Argia astekaria webgunearen hasiera

Manu Azkarate presoak Donostiako Ospitalean jarraitzen du Auzitegi Nazionalak bere espetxeratzea eskatu eta honek ekindako gose, egarri eta medikazio grebak ekarritako egoera larriaren ondoren. Berarekiko egiten ari den mendekua da gizarteko gero eta esparru zabalagoetan geratzen ari den inpresioa, eta hala salatzen ari dira gero eta alderdi eta gizarte eragile gehiago. Gaitz larriagatik jarri zuten libre duela hamabi urte, eta egun ere gaitz larriarekin jarraitzen du; horregatik, espetxeratzea mendeku eta klabe politikoan bakarrik uler daitekeela salatu du berak.

Bakearen Aldeko Koordinakundeak (BAK) manifestazioa deitu du Bilbon datorren larunbaterako, hilak 31,.biolentziaren aurrean jarrera batu bat eskatzeko eta biktimei dagokien sostengua emateko. BAKen ustez, Euskal Herriko gizartea plurala da eta hori onartzetik abiatu behar da gaur egun dagoen tentsio politikoa bere onera eramateko.