Lore Agirrezabal: «Che-k zeren alde egin zuen bizitza guztian begiratu behar da»
Pilar Iparragirre
«Che Guevara, ametsen komandantea» liburuaz
Zergatik aukeratu zenuen Che Guevara?
Oraintsu bete berri dira hirurogeita hamabost urte bera jaio zenetik, eta uste izan nuen aukera polita zela hain ezaguna egin den irudi horren atzean zein dagoen adierazteko. Edozein lekutan ikus baitaitezke banderak, pegatinak, elastikoak eta abar Che Guevararen aurpegiarekin, baina horren atzean zer dagoen askok ez dakite.
Zertaz jabetzeko aukera du zure liburu honen irakurleak?
Hego Amerikak eta Ertamerikak pairatu izan duten bidegabekerien historiaz, pixka bat bada ere.
Nolako irakaspen edo baloreak transmititu ahal dizkie Che bezalako gerrillari batek gaur egungo gaztetxoei?
Armak hartu zituen pertsona batek zer eman dezakeen? Beno, nik uste dut armak hartzearena bere egoera zehatz hartan egokitu zitzaion aukera bat izan zela. Orduan Kubak edo Hego Amerikak eta Ertamerikak zeukaten egoeran kokatu beharra dago, bere ideiak eta pentsamoldea nola bideratu zituen ulertzeko. Berak amets batzuk zituen, haiekin nola aurrera egin zen bere auzia, eta armen aukera egin zuen, beste aldetik ere armak zetozelako. Nik uste dut zeren alde ari zen eta zeren alde egin zuen bizitza guztian ikusi beharra dagoela
Garairen bat nabarmendu al duzu?
Gehien ezagutu den Che Kubatik aurrerakoa izan da, baina hara iritsi zenerako 28 urte bazituen, eta urte horiek nolakoak izan ziren azaltzen ahalegindu naiz. Haurtzarotik asmatikoa zen, eta badirudi asma gainditu beharrak bere izaera sendotzen asko lagundu ziola.
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa