artikulu nagusira itzuli
«Legez kanpo direnek parte hartze bat izan dezaten saiatzen gara»
EAJ-EA koalizioaren izenean alkate zara Azpeitian. Zenbaiten ustez, zu zeu alkate-gai izateak egin zuen posible koalizioa.
Ez, nire pertsonak ez zuen baldintzatu koalizioa egitea. Nik dakidanez aldaketa egin beharra zegoen, aurreko alkateak, Jose Maria Bastidak, ez omen zuen jarraitzeko asmorik, horrela adierazi omen zion alderdiari -EAJri-. Beste bat aurkitu behar izan zen. Ni edo beste bat izan, berdin izango zen.
Zertan dago udalerrirako azken hauteskundeetan, legez kanpo izanagatik, eserleku gabe geratu ziren hautatuen egoera?
Gu alderdi politikoen legearen aurka egon ginen, Batasunaren eta plataformen -AuB edota gainerakoen kasuan, Habea izenekoa Azpeitian- ilegalizazioen aurka. Plataforma horiek legezko ordezkaritza izatea gustatuko litzaiguke, gure bailarako hainbat herritan bezala. Azpeitiari 17 zinegotzi dagozkio.
Egun, EAJ-EAk 15 zinegotzi ditu. PPk eta PSE-EEk bana dute. Habea plataformak 2027 boto inguru jaso zituen, legez kanpo geratu izan ez balitz 4 zinegotzi legozkioke. EAJ-EAk 5.560 boto inguru jaso zituen, 13 zinegotzi legozkiguke. PPk eta PSE-EEk ez lukete ordezkarririk izango.
Nolanahi ere, gu saiatzen gara haiek nolabaiteko parte hartze bat izan dezaten. Mugak muga, udaleko bizitzaren gaietan eta batzordeetan egoten dira eta hauen jarraipena egiten dute, beren iritzia ekartzeko aukera dute. Baina, ez daukagu udaletxeko lana geldiaraziko lukeen ezer egiteko asmorik, herriak aurrera egin behar du.
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa