Izenak
Jasone Osorok «Greta» izeneko eleberria plazaratuko du udazken honetan Elkar argitaletxearen eskutik.
Karra Elejalde hasi berri da «Torapia» izeneko filma errodatzen Madril inguruetan. Film horren zuzendari eta protagonista da Elejalde. Bertan, porrot egin duen zorro lapur baten istorioa kontatzen du. Protagonistak eroarena egiten du psikiatriko batean sartu ahal izateko.
Elias Amezagak «Conmigo (un cacho de mi vida)» liburua kaleratu du. Bilboko Udalak plazaratzen duen «Bidebarrieta Monografiak» bildumaren hamargarren alea da eta bertan Amezagak bere bizitza laburbiltzen du.
Kanpingags taldeak «Erase una vez... o casi» izeneko lana estreinatu du Barakaldon. Patxi Barcok zuzentzen du haur ipuin ospetsuenak umorez kontatzen dituen antzezlan hau. Protagonisten artean daude Joseba Apaolaza, Asier Hormaza eta Kandiko Uranga. Euskarazko bertsioa urriaren 11n estreinatuko da Azkoitian.
Artze anaiek elkarrekin egindako txalaparta saiorik garrantzitsuenak eta JosAnton Artzeren dokumentazioa biltzen dituen disko-liburua plazaratuko du Elkarrek azaroan.
Alfonso Sastre antzerkigilea Honoris Causa Doktore izendatu du Habanako Arteko Goi Mailako Institutuak.
Xabin Egañak «Loreak mendian, kalean gentia» izeneko erakusketa paratu berri du Gasteizko Felisa Navarro galerian.
Fernando Morillok Leonardo da Vinciren biografia plazaratu berri du Elkarren eskutik.
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa