2003-05-23 -- 1900.zenb
Aurtengo Euskal Eskola Publikoaren Jaia Donostiako Zubietako hipodromoan egingo da ekainaren 1ean. Hamabigarren edizioa da. Zubietan hiru gune egokituko dituzte antolatzaileek. Lehenengoan, arte eszenikoak izango dira nagusi: Sebastopoleko titiriteroen zirku tailerrak, Kukubiltxo taldearen txotxongiloak, Txatunga Bemberen doinu exotikoak eta Trapu Zaharraren "Elvis joan hadi" emanaldia izango dira. EITBko Betizu umeentzako telebista saioko protagonistak lehenengo gunean izango dira egun osoan. Musika ekitaldiak, bestalde, bigarren gunean izango dira: Elektrotuna taldea, Urgabe plaza taldea eta Gatibu rock taldea, besteak beste. Hirugarren gunean, txalapartariak, bertsolariak, Triki Ta Ke, artisauak eta beste.
guztia irakurri© Sareko Argia
Lege Oharra
RSS sindikazioa