Argia astekaria webgunearen hasiera

Ollerieta auzoan dagoen Euskal Eltzegintzako museoa erakunde publikoen eta ekimen pribatuen arteko elkarlanetik sortu zen. Museoa antzinako buztindegi batean kokatzen da eta hura osorik berreskuratzeko proiektua Blanca Gomez Segurak egin zuen, Arabako Foru Aldundiaren laguntzaz. Erakusketan erakunde eta partikular batzuen piezak ikus daitezke, Eusko Jaurlaritzak emandako zeramika bilduma zabala esaterako. Erakusketaz gain, museoari erantsita dagoen buztingintzako labea Euskal Kultura Ondarearen Inbentario Orokorrean sartuta dago, Monumentu gisa izendatuta.

Erakusketako pieza gehienak Euskal Herrian bertan egin dira, baina beste batzuk, Penintsulako beste buztindegietan egindakoak dira. Piezak sailkatzeko tenorean zertarako eta nola erabiltzen ziren kontuan hartu da, ondorengo taldetan bereiztuta: sutarako zeramika, mahairako zeramika, ura biltzeko eta garraiatzeko zeramika, txerrikiak kontserbatzeko zeramika, erlijio aldetik erabilera zuen zeramika, eraikuntzarako zeramika eta abar.

Erakusketa aldakorra eta mugikorra da oso, monografikoak edo autore erakusketak egin ahal izateko pentsatuta. Modu honetan publikoari Museoaren fondoetara hurbiltzeko aukera ematen zaio.

Helbidea: 01510 Ollerieta (Araba)
Telefonoa: 945 45 51 45
Ordutegia:
Astelehenetik ostiralera 10:00etatik 13:00etara eta 16:00etatik 19:00etara.
Larunbatetan 10:00etatik 13:00etara
Igande eta jai egunetan itxita.
Taldeen bisitak aldez aurretik eskatu behar dira.
Sarrera dohainik.