Argia astekaria webgunearen hasiera

Lagako dunak: taldearen lehenengo lana. Laga hondartzan betidanik egondako dunak galtzeko arriskuan egon ziren jendeak zapaldu egiten zituelako. Babestu egin zituzten. Horren harira, Eusko Jaurlaritzak Laidakoak berreskuratzeari ekin zion.
Txori behatokia: Euskal Herrian dagoen bakarra. 2001ean erre egin zuten. Bigarren behatokia Eusko Jaurlaritzak eraiki zuen.
Mahats parralak: 2002ko udan egindako beharra. Antzinako Zin Bidea (Bizkaiko jaunek zin egiten zuten tokiak) Busturiatik iragaten zen, eta galtzadan zehar, mahatsez osotutako arkuteriak, pergola antzerakoa egiten zuen. Galtzada garbitu eta mahatsak birlandatu dituzte.
Bertoko landareen aldeko lana: aurtengo denboraldian horrekin jarraituko dute. Orain arte, landare inbaditzaileak mozten, eta herri lurretan bertoko zuhaitzak landatzen jardun dute. Orain, proiektu berria garatuko dute, bertoko egurraren (haritza, gaztainondoa...) errentagarritasuna frogatzeko.
"Ivilia" aldizkaria: taldearen ekintzen gaineko informazioa ematen duen aldizkaria.
Ibilbideak: Urdaibain zehar egin daitezkeen ibilbide natural, ekologiko eta geologikoak egiten dituzte, baita bidea prestatu eta triptikoak atera ere.
Itsaskitegia: Busturiako itsaskitegia konpondu zuten 2001ean