Euskarazko lanpostuen gunea
Bilboko Euskalkidetza elkarteak lana aurkitzeko web gune berri bat zabaldu berri du: www.lanbilanet.net. Zerbitzu berri honi esker, alde batetik euskara eskatzen den lanpostu publiko eta pribatuen informazioa kontsultatu ahal izango da eta beste alde batetik euskaraz lan egiteko prestatuta dauden pertsonen curriculumak ezarri ahal izango dira. Proiektu berri honen helburua bikoitza da, euskaraz funtzionatu nahi duten elkarte eta enpresei edo pertsona interesatuei, langile euskaldun egokiak aurkitzeko tresna eraginkorra eskaintzea, eta bestalde lan bila dabiltzanek euskaraz funtzionatzen duen enpresa edo lantokia aurkitzeko aukera gehiago izatea.
Abenduaren 31 bitartean, CVak eta lanpostu eskaintzak doan sartu ahal ziren. 2003ko urtarrilaren 1az geroztik hitzarmena sinatu duten udaletako norbanako eta erakundeek soilik izango dute aukera doan erabiltzeko. Hitzarmen hori oraingoz Arrasate eta Beasainek sinatu dute beren Euskara Zerbitzuen bidez
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa