Egileetan aberats
Merkatua zail egon arren, ez dago egile eskasiarik. Erreportaje honetarako elkarrizketatu ditugun guztiak, bat datoz Euskal Herrian marrazkilari on ugari dagoela esaterakoan.
Ipurbeltz aldizkariko Jon San Sebastianek dioenez, "kalitatezko egile mordoa daukagu. Ikusi besterik ez dugu, haietako zenbaitek lan egin behar izaten duten Frantziako, AEBetako edota beste tokietako argitaletxeetarako".
Egile hauen lana, ordea, ez da behar hainbat aintzat hartzen. Merkatua txikia izanda eta argitalpenek oihartzun eskasa lortuta, ez dago lana behar bezala baloratzerik. Gainera, gutxi dira hortik bizitzea lortzen dutenak. Fernando Tarancon «Trama»ko zuzendariak, Luis Duran marrazkilari oñatiarraren kasua ekarri du gogora. Orain gutxi, Bartzelonako Nazioarteko Komiki Saló-an, egile gazte onenaren saria jaso du. "Duranek egunean 10 edo 12 ordu igarotzen ditu marrazten. Baina bizimodua aurrera ateratzeko, asteburuetan publizitatean lan egin behar izaten du".
Marrazkilariek hemen ez dute formatzeko aukera eta azpiegitura handiegirik aurkitzen. Horregatik, agian, euren kasa ikasten dute gehienbat. Irakurtzen dituzten autoreen eraginak jasoaz, beste marrazkilari batzurekin harremanak garatuaz...
Hortik bizitzea zail izan arren, komikirako zaletasunak bineta erakargarriak osatzen jarraitzera bultzatzen ditu
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa