Argia astekaria webgunearen hasiera

Zer lasaitua hartu zuten etxekoandreek Irailaren 15eko batzarrean ministroek gauzen garestitzeari neurriak jarriko zizkiotela agindu zutenean! Izan ere etxekoandreek ez dute letra txikia irakurtzeko ohiturarik. Haundiak bakarrik irakurtzen dituzte egunkaria erosten dutenean ere. Hortantxe geldi diteke Iraileko neurria ere. Lehen ere hainbeste jarri dira, bizitza gehiegi garesti ez dadin! Ahuntzaren gauerdiko eztularen antzekoak gertatu dira. Baina, bai al du gauzen garestitzeak konponketarik? Ez al dago, bada, Gobernuaren esku? Ez al da honek behatz bat mugitzea aski? Ez, noski. Askok uste baino korapilo bihurriagoa dugu. Gauzak zergatik goruntz jotzen duten ezin erabakirik dabiltza ekonomilariak berak ere. Ez dugu uste hortaz ezer garbirik atera ditekeenik. Bizi dugun diru-gizartea gazterik, sasoiko eta indartsu dagoelako doaz gauzak gora... Baina patrikak agintzen duen baino agudoago hazten da ekonomi-gizarte hori, lan-sariak baino azkarrago, alegia. Orduan ekonomi-gurdia gurpil bat aurreraka eta bestea atzeraka duela geratzen da (...) (1972-XI-26)