Argia astekaria webgunearen hasiera

Munichen dauzka munduak begiak. An daude lurralde bakoitzeko kirolaririk onenak. (...) Baina Municheko Olinpiada odolez gorritua izan da. Begiak itxiarazi, kopeta zimur arazi eta bihotza nahigabe arazi du Munichek oraingoan. Zerbait iluna eta garratza gertatu da Olinpiada eta munduarentzat. Emezortzi eriotzen lotsa jasan dugu. A! O! U! Ez dago eskubiderik! Ez du izenik! Onelako denak garbitu eta kito! Arabe maltzur eta zerri oiek! Alemaniako polizia asto eta tonto ori! Onelatsuko lantuak entzun ditugu aste ontan. Eta ez da berriketa! Emezortzi eriotza, etxekoak sartu gabe! (...) Baina Municheko gertaerak beste galdera bat egin arazi behar liguke. Inork gutxik egiten duen galdera: zergatik? (...) Indarkeria, indarkeriatik dator. Sagarra, sagarretik bezala eta mahatsa, mahatsetik bezala. «Fruituetatik ezagutuko duzue arbola» Indarkeriazko fruituak ugaltzen ari badira, indarkeriazko arbola indartsu eta ugari dagoela esan nahi du. Galda dezagun, galda. Zergatik iltzen dira orrenbeste goseak? Ez al dira iltzen batzuk ondasunak gordetzen dituztelako? Zergatik irauten du gerrak, an eta emen, hainbeste jende garbituz? Zergatik orrenbeste diktadura bazterretan? Zergatik hainbeste agintari, agintea indarrez lapurtuak? Zergatik hainbeste gizon baztertu, isil arazi eta giltzaperatu? Zergatik hainbeste desberdintasun eta bidegabekeria? Zergatik hainbeste erri txiki zapaldurik? (...) (1972-IX-17)