Argia astekaria webgunearen hasiera

Aveyron-en (Frantzian) 14.000 hektarea lur expropiatu nahiean dabil Parisko gobernua. Militar eremua zabalagotu egin nahi luke. Bertako jendea, halabaina, aurka atera da: bere bizibidea galtzeaz gainera, ez du konprenitzen nolaz utz lezakeen bere jaioterria batak bestea hiltzen irakasteko toki bihurtzen. "Gure bizia hemen dago, eta hemen izan behar du. Ministerioko erabakariaren aurka, borrokari ekin behar diogu", dio bertako jendeak. Hori dela-eta, zenbait lagunek gose oporrari eman dio. Ekintza hori, berehala, txit herrikoi bihurtu da: apaizak, monjak eta bi gotzai ere batu zaizkio hasierako taldetxoari (gotzaiak, Rodez-ekoa eta Montpellier-ekoa). Debré ministroak, gotzaien jokabide honi, "buru-nasaikeriatzat" iritzi dio. Noizpait ere, horrelako iritziren bat izanen ahal dugu beste gotzain batzuetaz ere. (1972-VII-09)