Weblog baten ezaugarri orokorrak
Sustatu albistegi elektroniko soil bat ez dela esan dugu, weblog bat da, azken finean. Hona hemen weblog baten ezaugarri orokorrak:
3 Albisteen antolaketa finkoa da. Albiste berria lehendabizi jarri ahala beste albisteak maila bat jaisten dira.
3 Sailkako antolaketa. Sail bat, albiste bakoitzari jartzen zaion marka bat da. Sail bat aukeratzean, marka hori duten albisteen azpimultzoa aukeratzen duzu.
3 Moderazio, erantzun eta kontrolerako aukera anitz eskaintzen ditu. Mezuak kargatzeko ez da teknikarik edo diseinurik jakin behar. Weblog batek berdin balio du pertsona baten egutegi pertsonala egiteko edo albistegi profesional bat egiteko. Azpiegitura berberaren gainean eraikitzen dira biak.
3 Doako software librearekin egiten dira eta aukera tekniko asko daude. Sustatu, Python programazio lengoaiarekin, Zope web aplikazioen zerbitzariarekin eta Squishdot produktuarekin egina dago. Guztiak Internetetik doan lortzeko modukoak dira.
3 Kazetaritza eredu berri bat dakarte weblog-ek. Iritzia eta propaganda nahasten dira eta albistea ez da artikulu soila, baizik eta artikulu, erantzun, iritzi eta linken batuketa.
3 Eztabaida foro baten antza izan dezakeen arren, weblog-aren gakoa informatzeko duen baliagarritasuna da
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa