Argia astekaria webgunearen hasiera

Ala aitortu dute, oraindik orain, Espaiñiako gotzaiek. Eta zenbait jenderen eskubideak gal-zorian ikusi dituzte. Arrunt atzeratutako lurraldean bizi geranik ezin uka, gu baiño atzeratuagoak gure inguruan ikusten baditugu ere. Jabetu da atzerapen hontaz Espaiñiako Gobernua. Ekin dio eziera legea berritzeari. Ekin dio hortarako diru gehiago botatzeari. Garrantzi haundia du hortan dirua erabiltzeak. Izan ere ezer gutxi egingo du Gobernu batek Erria kultura maillan jaso ezik. Poztekoa eta eskertzekoa da alderdi hontatik artu duen jokabidea. Baiña ez dirudi gogoan artu duenik Erri bakoitzaren egoera. Badirudi gehienen atzerapenez eta zabarkeriaz estuturik, ez duela gogoan eduki bere egitekoa. (à) Horregatik eskatu dute Espaiñiako gotzaiek danentzat eskola-bidea, danentzat aukera-bide berdiña, danentzat esku-artzeko era. Ez dedilla eziera osoa Gobernuaren esku eta gain egon, alegia. Estaduaz gaiñera, Elizak eta erritar taldeek izan dezatela ikastetxeak jasotzeko erraztasuna (...) (1972-I-23)