ARGIA.com :: HOGEITA HAMASEIGARRENA AIDANEZ

DURANGO 2001

HOGEITA HAMASEIGARRENA AIDANEZ

Durangoko Euskal Liburu eta Disko Azokak hogeita hamasei urte beteko ditu aurten. Bertan bilduko dira Euskal Herriko hainbat argitaletxe, disketxe, erakunde eta komunikabide beren azken lanak mahaigaineratzeko.

Astarloa anaiak, Juan San Martin, Bitoriano Gandiaga eta Argentinako Ekin argitaletxea omenduko dituzte. 245 stand-ek eta 56.300 milioi pezetako (2.252 milioi libera) aurrekontuak eman dezaketen guztia...

Euskal literaturaren eta musikaren karpa hasi da urteroko itxura hartzen. Durangoko Euskal Liburu eta Disko Azokak datorren asteazkenean irekiko ditu ateak. Abenduaren 5etik 9ra hitzez, doinuz eta, batez ere, jendez beteko da Durangoko Azoka. 4.900 metro kuadroko oihal zuriak estaliko ditu Euskal Herriko liburugintzaren eta musikagintzaren erantzule nagusiak: idazle, musikari, ilustratzaile, argitaletxe, editore eta zale guztiak.

Sarrera hitzaldia hilaren 6an egingo da. Aurten, Argentinako Ekin argitaletxeak Francoren diktadura garaian egindako lana omendu nahi izan du Gerediaga Elkarteak. Argitaletxe honi esker ikusi du argia kaleratu ezin zitezkeen liburu mordoxka batek, eta Hego Amerikan ere garrantzitsua izan da. Ekin-eko Andres de Irujo zenaren alarguna, Maria Elena Etcheverry, mintzatuko da sarrera ekitaldian. Bestalde, Durangoko Azokaren hogeita hamaseigarren edizioak zenbait berrikuntza eta sorpresa ere izango du.

Karparen zoko guztiak aprobetxatuz, eta literaturak eta teknologia berriek eman dezaketenari zukua atereaz, txoko bat berreskuratu eta berri bat sortu ditu Gerediaga Elkarteak: haur eta gazte literaturaren txokoa eta zibertxokoa. Itziar Irazabalek adierazi digunez, beti jarri ohi dute teknologia berrien areto bat. Baina, aurten, horrez gain, Gerediagaren asmoa zibertxoko bat jartzea da.

Modu tradizionalagoari eutsiz, haur eta gazte literaturaren txokoa ere jarriko dute. Bertan, liburuak eskura izango dituzte haur eta gazteek. "Liburuak umeen eta gazteen esku jartzen ditugu, bestela, haur batek stand batera hurbiltzean 90 zentimetroko horma batekin topo egiten du, altuegia beretzat, txoko honetan, berriz, eurek aukera daukate liburuak ikusteko...". Tarteka antzerkia izango da, ipuin-kontalariak eta idazle batzuk ere pasako dira. Helburua irakurzaletasuna bultzatzea eta liburuak modu ludiko batean ikustea dela esan digu Itziar Irazabalek: "Azkenean, haur horiek izango dira hemendik hamar urtera Durangoko Azokan liburuak erosiko dituztenak".

Litekeena da, ordea, belaunaldi berriek egunen batean azoka birtual batean egitea erosketa horiek. Orain ere egin daiteke hori www.durangokoazoka.com gunean, noski. Aurten, gainera, hogeita hamaseigarren edizioari dagokion webgune ofizial bat sortu dute. Egunez egun, egitaraua, stand-ak non dauden, nobedadeak zeintzuk diren, komunikabideei buruzko informazioa eta beste hainbat konturen berri emango dute bertan.

azokako omenduak

Juan San Martin, Astarloa anaiak eta Bitoriano Gandiaga omenduko ditu aurten Gerediaga Elkarteak. Juan San Martin (EAEko Ararteko, Europako Ombudsman Erakundeko buru, euskaltzainburuorde eta urgazle...) Argizaiola Sariarekin omenduko dute larunbatean San Agustin Kultur Gunean opsatuko den ekitaldian. Azokan egingo diren ekitaldiek, berriz, Astarloa anaien lanarekin izango dute zerikusia; Durangoko bi anaiok euskararen alde, etxean eta atzerrian egindako lanaz eta euskarak bizi duen egoeraz gogoeta bultzatuko dute egun hauetan. Bestalde, Bitoriano Gandiagari omenaldia eskaini zion Gerediaga Elkarteak abenduaren 1ean. Abuztuan Arantzazun bere omenez egindako olerkien ikusentzunezko ikuskizun berarekin omendu ere. Horrez gain, Galatea taldeak gaur egungo poesia emanaldia eskainiko du hilaren 6an.

AZOKA EGUNEZ EGUN

- Abenduak 5: 12:00etan: Ginol taldea, �Euskal ipuinak� antzezkizuna. 17:00etan: Jose Mari Sors, �Euskal liburugintzaren diagnosia�.

- Abenduak 6: 11:00etan : Astarloa Anaien gogorapen plaka erakutsiko da. Udaletxe aurreko plaza. 12:30etan: Sarrera hitzaldia. M� Elena Etcheverry, �La difusi�n y apolog�a de la Cultura Vasca desde el exterior: Ekin ejemplo argentino�. 18:00etan: �Literatur kafe tertulia�, Hasier Etxeberriak zuzenduta. 20:00etan: Gaur egungo poesia emanaldia Galatea taldearen eskutik. San Agustin Kultur Gunea.

- Abenduak 7: 12:30ean: Piarres Xarriton, �Euskaltzaleen Biltzarraren lehen mendea... hegoa eta iparra arteko utopia�.

- Abenduak 8: 12:30ean: �Unamuno, Sabino Arana, Azkue eta euskara 100 urte geroago�. Joseba Agirreazkuenaga, Josune Ariztondo, Juan San Martin. Antton Aranburu moderatzaile. 17:30ean: Euskal Herriko Klimatologia eta Meteorologia Fundazioaren aurkezpena. 18:00etan: �Globalizazioaren liburutegian euskararen apala�. Pedro Miguel Etxenike, Jean Haritschelhar, I�aki Irazabalbeitia. Pili Kaltzada moderatzaile. 20:30ean: �Gauean argi...�. Argizaiola saria banaketaren ekitaldia.

- Abenduak 9: 18:00etan: �Euskarak apologia behar du?�. Ramon Labaien, Ludger Mees eta Felix Zubiaga izango dira bertan.

BERRI BERRIAK

Teknologia berriak geroz eta leku gehiago ari dira hartzen Durangoko Azokan. Aurten bi nobedade ditugu Gerediagaren eskutik: zibertxokoa eta orrialde elektroniko berri bat www.durangokoazoka.com-en barruan.

INPRIMATU LAGUN BATI BIDALI

Lagun bati bidali

Iruzkina idatzi

1831

1830

1832 zenbakia.
2001ko abenduaren 02a

Azkena || Hemeroteka

Babeslea

*Izartxoaz () markaturiko datuak derrigorrez bete beharrekoak dira.**

Zure izena*			Zure Eposta*

Lagunaren izena*			Lagunaren Eposta*

*Izartxoaz () markaturiko datuak derrigorrez bete beharrekoak dira.**

Izena*			Eposta*

Beste norbaitek segidan idazten badu, abisua jaso nahi dut


Idatzi segurtasun kodea:

Astekaria

HOGEITA HAMASEIGARRENA AIDANEZ

Lore Agirrezabal

Urtzi Urrutikoetxea

AZOKA EGUNEZ EGUN

BERRI BERRIAK

Lagun bati bidali

Iruzkina idatzi