Argia astekaria webgunearen hasiera

12 kanta
2.195 pezeta
87 libera

Etzakit-eko Xabier Solanori bururatu omen zitzaion 4 Itzal taldea osatzea. Gero, talde bereko Jon Garmendia «Txuria» proiektu berrirako kanten letrak egitera animatu, eta Sen taldeko Haritz Harreguyren gitarra, Kashbadeko Haritz Beristain «Txiki»ren bateria eta Utikan-Mugatikeko Koldo Soreten baxua bildu zituen «Denek Dakite» diskoan, rock, punk, aor amerikarra edota balada doinuak abestu eta jotzen dituzten emaitzan. Eta hor ditugu «Atea», «Jasotzeko», «Arren esaidazu», «Norabidea», «Boluetan», «Herria», «Zentzu gabe», «Pausorik eman gabe», «Ur biltzen», «Azal iluna», «Gorrotoa» eta «Itxi», 4 Itzal taldearen kantak. CDan, gainera, uneren batean Soziedad Alkoholika-ko Jonen ahotsa eta Irati Ortubiaren biolontxeloa ere entzun daitezke.