Argia astekaria webgunearen hasiera

Estreinaldi guztien ondoren antzerki taldeei dardarak eragiten dizkien kritikak heltzen dira. Adituaren luma zorrotzak gutxitan uzten du akats bat aipatu gabe. «Bambulo»ren kasuan ere lehen emanaldiaren osteko kritikak nahiko gordinak izan dira. «Euskaldunon Egunkaria»n Agus Perezek zera dio: "Teatroak betidanik izan dituen baliabide eszenikoen falta gorria nabarmentzen da eta zenbait unetan jatorrizko testuari darion poesia itota geratzen da bideo proiekzioen larregizko erabileragatik". Carlos Gilek «Gara»n argitaratutakoaren arabera, berriz, "bideoak leku aldaketak errazten ditu, baina ez du oinarrizkoa lortzen: erritmoa". Era berean, kritikak aktoreen maila ona dela nabarmendu badu ere, lehen emanaldietan taldeari oraindik gutxi aritu dela nabari zaiola dio