Jose Mari Aranalde, apaiza
Herria» astekaria irakurtzen duzu, edo ikusten bederen, euskaldun hori? Irakurtzen nahiz ikusten baduzu, badakizu; eta ez baduzu, jakizu, hasera-haseran baduela astero-astero sailtxo bat, beti neurri berekoa, lehen orriaren ezkerraldean, eta haren azpialdean bi letra hauek agertzen direla askotan: «E.L.» Emile Larre duzu xigortu-xigortua.
75 urteko apez honek «Ene artzain-etxolak» izeneko liburu eder bat atera du oraindik-orain. Ederra da esanetan eta esateko moduetan. Eta argazki edo potretetan, ikus 68. orrialdekoa. Lekutan gelditzen da Domingo Kanpaña. Bera da protagonista, edo erdi-gune, liburuan zehar; baina zaude seguru, irakurle, ez duela bere burua erakusteko egin, nahiz berena erakusten duten asko eta asko baino hobeki legokeen nonahiko erakustokitan. Bere ingurua eta ingurukoak ditu kontagai liburuan.
Apez on-on honengatik ere esan zezakeen Pio Baroja jaunak, apez euskaldunengatik esan zuen harako hura «Euskal apezek ez diote uko egin gizon izateari».
Gure Baigorri-Bastidarra, pilotari duzu, eta pilotazale, bertsolari duzu, eta bertsozale; abeslari eta abestigile. Eta txapela ere berekin du beti, buru argi horretan.
Eta... biziki maite ditu hegoaldekoon arrain freskoa eta haren lagun on den sagardoa. Eta sagardotegia!
Zuk apez euskaldun on bat lagun nahiko bazenu, hor duzu eskura Emile Larre jauna. Ibili den leku guztietan itzala duen gizona da gure apez jauna. Guri ez zaigu damutu haren ondoan ibili izana
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa