artikulu nagusira itzuli
Jose Luis Korta. Castroko Arraun Klubaren entrenatzailea
Kontxako 11 bandera irabazi dituzu arraunlari, patroi eta entrenatzaile gisa. Azkenekoa 1997an eskuratu zenuen Orioko traineruarekin. Nola ikusten duzu aurtengo bandera?
Lehenik kanporaketa pasa behar da, hori da denoi beldurra ematen diguna. Proba bakarrean jokatzen da eta itsasoa dela, haizea dela edo bestea dela kanpoan gera zaitezke erraz. Kontxan aritzeko lehenik sailkatu beharra dago.
Entrenatzailea zara, eta patroi eta arrunlari gisa ari zara oraindik ere. Aukeran arraunlari gisa aritzeko prest?
Edozein gauza izan liteke. Arraunean, patroi gisa edo motorrean ere joan naiteke. Estropada batzuk egin ditut arraunean, arraunlari batzuei atsedena emateagatik. Eguraldi ona eginez gero ez naiz arraunlari bezala aterako, eguraldi txarra bada, baliteke.
Lau urte dira Castrora joan zinela. Zer moduz?
Euskal Herritik hurbil naiz eta bizimodua beti bezala egiten dut: azkar ibili nahi eta ezinean; denoi gertatzen zaiguna ezta? Kirol ikuspuntutik, Oriotik hona etortzea, lehen mailatik hirugarren mailara etortzea bezala izan zen. Castro puntan jartzea izan genuen erronka eta denboraldi honetan lortzen ari gara. Ez genuen inondik egiten ari garena posible ikusten, baina lan asko eginez dena da posible. Bizi dugun egoera ona azkeneko lau urtetako emaitza da.
«La Marinera» omen da «Txiki» txalupari aurre egin diezaiokeen bakarra. Diotenez, aurten Orioren aurkari zuzenena zarete Kontxako estropadetan?
Euskal Ligako sailkapenean lehenak gaude, Ondarroan eta Hondarribian irabazle izan gara, baina Orio gora etorri da eta berriz ere izugarri ondo dabil. Klub honek behin ere ez du irabazi «La Marinera»rekin Kontxan eta hori mundiala litzateke
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa