artikulu nagusira itzuli
Antonio Campos. Orio Arraun Elkarteko lehen presidentea «æTradizioa galdu gabe olinpismorantzÆ, izan zen gure lehen lema»
Orio Arraun Elkartearen sortzailetariko bat zara eta lehen presidentea. Arraunaren historia luzea kontuan harturik deigarria da elkartea 1965ean sortu izana.
Ordura arte elkarterik ez zen, udalaren inguruan ibiltzen zen lagun talde batek kudeatzen zuen arrauna. Oriok lehen bandera 1901ean irabazi arren, ordura arte herrian ez zegoen arraun elkarterik. Elkartea gazte koadrila batek sortu zuen arraun olinpikoa egiteko helburuz. Beste tokitan arraun olinpikoa egiten bazen, zergatik ez hemen? Eslogan batekin sortu genuen: «Tradizioa galdu gabe olinpismoruntz».
Iraultza ekarri omen zenuten Oriora eta arraun mundura orobat.
Hasieran bakarrik banku mugikorrean aritzeko asmoarik hasi ginen, ez trainerua ateratzeko asmoz. Orio Arraun Elkartearen trainerua ez zen atera 1970a arte. Ordura arte traineruko arraunketa ez zen kirol bezala hartzen, lehiaketa gisa baizik.
1970ean Kontxan irabazi zenuen banderak mugarria izaten segitzen du arraunaren historian.
Parisera joan ginen kirol mediku zentro batera. Artean honelakorik ez zen egiten hemen. Prestakuntza berezi bat jarri zieten arraunlariei. Talde gazte hark gorputz atletikoki prestatua ekarri zuen arraunera. Kontxara joan eta minutu bat kendu genion bigarrenari. Jendea harriturik. Teknikoki aldaketa eta iraultza izan zen. Txalupa berria ere atera genuen, tostak edo eserlekuak mekanikoak jarri genituen, batoleteak mugitzeko sistema berri batez jarri ere bai.
Kontxako Bandera berezia da inola ere, ezta?
Ziklismoan Tourra edo futbolean Champions Ligue irabaztea bezala da. Estropada guztiak irabazi izan arren, Kontxakoa galtzen baduzu, dena galduta bezala geratzen zara. Kontxako Bandera irabaztearekin, denboraldia libratzen duzu neurri handi batean
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa