Iparraldea: aukera zabala, baina goi mailarik ez
Musika zaletasuna hemen bezainbestekoa izan arren, Iparraldean erabat desberdina da musika ikastegiek duten antolaketa.
Maite Idirin kantari ezagunak bildu digun informazioari esker, badakigu ordea, musika ikasteko aukerak anitzak direla Iparraldean.
Beheko mailan udalek sustaturiko Musika Eskola Munizipalak daude, titulaziorik ematen ez dutenak. Maila beretsua daukate Musika Eskola Munizipal Agregatuek, udalak eta estatuak sostengaturikoek. Musika zaletasunak bultzaturiko haurrek kultur elkarteek bultzaturiko eskoletan ere ikas ditzakete solfeoa, kantua, akordeoia...
Maila altuagoan Baionako Herrialdeko Musika Kontserbatorioa dago. Musikaren bidetik jarraitu nahi duten gazteei bideratuta dagoen arren, ez du goi mailako ikasketarik eskaintzen. Orain gutxira arte, Baionakoa, Musika Eskola besterik ez zen, baina zegoen ikasle kopuru altuagatik, bertan ezarri zuten kontserbatorioa.
Goi Mailako musika ikasketak egiteko, Ipar Euskal Herriko gazteak kanpora joan beharrean izaten dira. Paris eta Lyonen daude Frantziako goi mailako musika kontserbatorio bakarrak. Maite Idirinek esan digunez, euskaldun gehienak Parisera joaten dira. Kontserbatorio hauen ezaugarri nagusienetariko bat irakasleak dira; musika munduan sona handia duten irakasleak biltzen baitituzte. Goi Mailako Kontserbatorioetan CAEM titulua jasotzen dute ikasleek, musika irakaskuntzan gaitasuna aitortzen dien titulua.
Goi mailako kontserbatorio hauez gain, badira sona handiko musika eskola pribatuak ere. Horren lekuko dugu Parisen dagoen "Escola Cantodum", 1894. urtean sortua eta euskal musikari askoren trebalekua
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa