Ika mika
- Kepa de MiguelDonostiako kontserbatorioko zuzendariordea
"Garrantzitsuena Euskal Herrian Goi Mailako Musika Kontserbatorioa izatea da".
"Azken mementoko erabakia izan da, ez dio inork usainik hartu. Donostiak badu hainbat gune erakargarri: tradizio musikal handia, Europako atean dago geografikoki, hemen dugu Euskadiko Orkestra Sinfonikoaren egoitza, Musika Hamabostaldia, Donostiako Orfeoia, Donostiako Nazioarteko Piano Lehiaketa, Kursaala... Normala da, bat aukeratu ostean, kaltetuek protesta egitea. Nire ustez garrantzitsuena Euskal Herrian Goi Mailako Musika Kontserbatorioa izatea da".
- Francisco Ibaņez
Gasteizko Kontserbatorioko zuzendaria
"Gasteizek Goi Mailako Musika Kontserbatorioaren premia zuen"."Bilbok bere orkestra du, Donostiak Euskadiko Orkestra... Hemen ez dugu ezer, eta kontserbatorioko orkestrak beteko luke hutsunea. Hau administrazioaren hiria da eta ia ez dago kultur ekintzarik. Orain dugun kontserbatorioan diru gutxirekin koka zitekeen behin-behineko egoitza. Bestetik Donostiaraino joatea oso deserosoa da guretzat eta Bilbokoentzat. Musikari batek ezin ditzake egunean lau ordu errepidean pasa. Azken finean, erabakia borondate politiko baten ondorioa izan dela iruditzen zait".
- Itziar Aldama
Bilboko Kontserbatorioko zuzendaria
"Kultur azpiegitura sendoagoa dugu Bilbon"."Bilbon tradizio musikala handiagoa da. 1942an ezarri zen musika kontserbatorioa, Opera Lagunen Bilboko Elkartea dugu, iragan hilean sei opera izan genituen, Bilbao Orkestra Sinfonikoa ere badugu. Azpiegitura kultural sendoagoa dugu. Gainera ikasle kopururik gehien dugu Bizkaian. Bestetik geografikoki oso gaizki kokaturik dago Donostia. Kanpotik datozenek (Errioxa, Kantabria, Nafarroa, Araba...) nahiago dute Bilbora etortzea"
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa