Argia astekaria webgunearen hasiera

Donostian jaioa 1963an, Euskal Herriko prentsa eta politikaren bazterrak ondo menperatzen dituen kazetaria da eta gaur egun «El Diario Vasco»n korrespontsal politiko lanean dihardu. EHUn atera zuen Informazio Zientzien lizentziatura. 83-85 urteetan «La Voz de Euskadi»n aritu zen; 87-89an «Deia»n, 85-87an «El Correo»n eta 89tik aurrera «El Diario Vasco»n ari da lanean. Besteak beste, Radio Euskadiko «Ganbara» irratsaioan ere parte hartu izan du analista politiko gisa.

Irunen jaio zen duela 34 urte eta Informazio Zientzien lizentziatura bereganatu zuen EHUko Leioako Campusean. «Egin»en hasi zen lanean herrietako informazioa lantzen 1989an. Gero Mundua sekzioko arduraduna izan da «Gara» sortu arte; hemen Euskal Herria saileko burua da hasieratik. Euskadi Irratiko «Solasean» debate saioan parte hartzen du, halaber. Guraso nafarrak ditu eta Irungo nafartzat du bere burua. Gaztelera, euskara eta frantsesa hitz egiten ditu.

Euskal Herriko kazetari eta analista sakonenetakoa da 62 urteko donostiar hau. Donostiako Herri Irratian ekin zion 1971n eta hor jarraitzen du egun ere. «Egin»eko lehen zuzendaria izan zen, urtebetez. «El Mundo»ko iritzi burua izan zen 93tik 96ra eta egun ere bertan kolaboratzen du. ETB-2n «Sin permiso» eztabaida eta hausnarketa saioa ere zuzendu zuen 89-90ean. Bi lizentziatura ditu: Zuzenbidea, Filosofia eta Letrak, eta bere garaiko kazetaritza titulua.