Argia astekaria webgunearen hasiera

Martxoaren ogeita zortzian, azaldu zan au: Estaduagandik Eliza libro izateko beregandik jasotzen zuan diru laguntzari uko egiñ bear ziola apaizak alegia. Emen zegoan kakoa: Alde batetik Elizaren askatasunagatik alde batera utzi egiñ bear Estaduaren diru laguntza; bestetik ordea, Estaduko laguntza ori gabe, nola bizi apaizak? Neretzat askatu eziñeko korapilloa zan. (...) Argitasuna eman naiaz, irakurle batek, apalik, erantzun dit: "Aurren irakasle, nere iritziz lanbide onena. Irakasleak ain urri dabiltzanez geroz, poz pozik ikusiko lituzke erriak, nik uste. Apaizak, Meza eta beste eginkizunengatik artzen duan saria, artzen jarraitu dagiala, ba, lana egiten duanak bere saria bear du eta pozik ematen dio kristauak. Ori da nere iritzi apala". Milla esker zure erantzun apalagatik. Ona eta baliotsua da gerora sortuko diren apaizei begiratuta. Apaizaren ogibide bat izan diteke geroxeago, aurrei eskola ematea. Baiña gaur...? Irakasle izateko Maisu titulua bear da; gaur eguneko apaiz geienak ez dituzu maisu; apaiz lanetatik kanpora ezin ba izan Irakasle. (...) Jasoa dut beste irakurgai polita. Onela dio: "San Jose egunean korbata jantzita ibilli zan D. Kosme apaiza... Ez det itzik egin nai... Obe det ixillik egotea...". Kosme izena nerea da gero e..? Gogorra egin du apaiz orrek... Ain polita den lepoko esparadrapuaren ordez, korbata jantzi alajaiña... Ori da pekatua, ori. Serioski, ona emen nere iritzia: Apaiza ez bedi izan erriagandik berezitutako aparteko kasta bat (...).