BERE HITZETAN
"Alabari beti esaten diot: bila ezazu enplegu bat, soldata duin bat emango dizuna. Ez zaitez gutxiagorekin konformatu, baina ez ezazu gehiago eska, askatasuna galduko duzu-eta bestela" (Elorrieta, Sindikalismoaren Berri Onak)
"Egoera politikoa aldatzeko bide bakarra botereari aurka egitea da, gure ustez, eta hori errazago egiten da gizartetik parlamentutik baino" (Elorrieta, Sindikalismoaren Berri Onak)
"Gatazkak dinamika dialektiko bat ezartzen du, eta hortik etorriko da, etortzekotan, aldaketa. Guretzat gatazkak ez dauka, berez, zentzu negatiborik. Kontsentsua, aldiz, helburu bihurtzen bada, guztiz negatiboa da gure iritziz" (Elorrieta, Sindikalismoaren Berri Onak)
"Kargua utzitakoan, gainkargarik gabeko herritar izatea da nire ardura nagusia. Iragana iragana da, baina nik ez nuke beti neure iraganaren zamapean bizi nahi" (Elorrieta, Sindikalismoaren Berri Onak)
"Zer aportatu dezakegu historikook? Batetik, esperientzia. Bestetik, nostalgia. Nostalgia ez da parte onekoa. Eta esperientzia, alde batera bai, baina bestera ez da balio positiboa. Esperientziak esaten dizu egoera jakin batzuetan nola jokatu, eta hori, zenbait unetan inertziaz jokatzea da" (Elorrieta, Sindikalismoaren Berri Onak)
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa