Argia astekaria webgunearen hasiera

Poloniako politika ez da aurrerantzean gehiago parlamentuan eta partidu zentralean egingo. Lantegietan baizik. 20.000 portulangilek odolezko errebolta baten bidez Gomulkaren zuzendaritza porrokatu zuten. Lanoporketa batzuen bitartez Gomulkaren ondorengoa -Gierek- "gizonen arteko elkarrizketa batera behartu zuten", Danzig eta Stettin ondoren, eta, aurrerantzean langileek elkarrizketarako duten eskubidea errespetatzeko hitza eman arazi zioten. Lôdz-eko oihal-lantegietako langileak, gehienak emakumeak, etorkizunerako bide hori irekita ikusten dute. Lehen ministro berria -Jaroszewicz- haruntz joan beharrean aurkitu zen langileen eskabideak entzutera: lantresneria berria, higiene hobea, etxebizitza berriak. Eskabide hauek bete zezazkean Varsoviako gobernuak, baina ez beste hauek: lansariaren igotzea eta igotako prezioen jestea. Azkenean burua makurtu izan behar zuen. (...)