Argia astekaria webgunearen hasiera

Eibarren sortua 1922an, hainbat lan idatzia du euskaraz zein gazteleraz, etnografia, historia, artea eta hizkuntzaren inguruan. 1957an euskaltzain urgazle izendatu zuten eta 64tik aurrera euskaltzain oso da. Euskaltzaindiako idazkari, buruorde eta Jagon sailaren arduradun, gerra ondorengo bertsolari txapelketetako antolatzaile, alfabetatze taldeetako sortzaile eta "Jakin" aldizkariko zuzendari izana da, besteak beste. 1989tik 1994a bitartean EAEko Ararteko izan zen.

Zarautzen jaio zen 1935eko ekainaren 3an. Maisutza industrialean tituluduna, 27 urtez jardun zuen irakasle Zarauzko Lanbide Eskolan. Zarauzko ikastolako sortzaileetako bat eta lehendakari izana. 79an Zarauzko alkate izan zen hautatua EAJren izenean. EAJrekin Gipuzkoako ahaldun izan zen geroago eta baita EArekin ahaldun nagusi ere. 90eko hamarkadan berriro itzuli zen Lanbide Eskolako irakasle lanetara eta Herri Edertu enpresa sortu zuen artista berriak lagundu asmoz.

Arruazun (Nafarroa) jaio zen 1930ean, eta bertan bizi da gaur egun. 1955ean apaiztu zen eta Madotzen erretore izan zen, Luzaiden bikario eta Urdianen ere berriz erretore. Antropologian buru belarri aritua ehunka artikulu eta dozenaka liburu idatzi ditu. 1957az geroztik euskaltzain osoa da -Orixeren aulkia hartu zuen- eta 1978-92 artean Euskaltzaindiako idazkaria ere izan zen. Armeniako Hizkuntza Akademia Internazionaleko ohorezkoa kide ere bada, besteak beste.

Gernikan bizi da gaur egun baina Lekeition jaiotakoa da, duela 64 urte. Frankismoan espetxean izan zen 1969tik 1976ra arte, Zamorako espetxean batez ere. Espetxetik atera eta 12 urtez, 1988ra arte, AEKn aritu zen euskalduntze eta alfabetatze irakasle moduan, eta nagusiki didaktika taldean. Gaur egun itzultzaile lanetan ari da eta azken boladan filosofoak itzultzen. Karl R. Popper filosofoaren "Objective know ledje" liburua itzultzen ari da egunotan.