Argia astekaria webgunearen hasiera

Frantzian (eta beraz, kasu honetan baita Iparraldean ere) kirola ez dago Hego Euskal Herrian bezala antolatua. Frantzian elkarte edo kluben eskuetan dago kirola haurretatik hasita eta Hego Euskal Herrian eskola kirola egiten da, hots, eskola arduratuko da haur eta gazteei erakutsi beharreko kirolaz. Hormadik haurrekin lan handia egiten du. Angeluko izotz pistara goizean joanez gero ohikoa da 40 gazte hockeyan ikustea, kirol hau egitera eskolatik bidaltzen baitituzte.
Hego Euskal Herrian, aldiz, pistetara haurrak patinatzera eta denbora-pasa moduan doaz, baina ez izotz hockeya edo patinaje artistikoa egitera.
Diru baldintzak ere desberdinak dira: Lapurdin aurrekontuaren erdia Udalak ematen dio Hormadiri (1.600.000 libera, 40 milioi pezeta inguru) eta Hegoaldean berriz, erakundeen laguntza oso urria da. Udalak baino gehiago Foru Aldundiak dituzte lagun izotz taldeek. Hala ere, Foru Aldundiek, Iparraldean ez bezala, haurren arteko txapelketak antolatzen ez dute uzten.