Argia astekaria webgunearen hasiera

Arabako teknologi elkartegian 46 enpresa ari dira gaur egun. Horrek esan nahi du %7 igo dela 1999ko kopurua. Enpleguak, 2000ko lehen seihilekoan, %5,5 egin du gora, 1.800 lanpostutara helduz.
Elkartegi honetan kokatzen diren enpresetako fakturazioaren inguruko kalkuluen arabera, gainditu egingo da aurreikusitako 45.000 milioi pezetako kopurua (1.800 milioi libera). Lokalen okupazio maila %92koa (98koa eraikuntza berrirako dauden konpromiso guztiak barnebilduz) da. Lurren okupazioa %37koa da, eta hori, parkearen azalera handia kontuan izanik, oso datu esanguratsua gertatzen da, are gehiago benetako jardunean 5 urte besterik ez daramatzala ohartuz gero.
Elkartegi honetan, 2000ko lehen seihilekoan 358 mintegi eta jardunaldi burutu ziren, eta 6.157 lagunek esku hartu zuten