Argia astekaria webgunearen hasiera

"Apustu asko jokatutako ahariari buruan arrak sortzen omen zaizkio. Hortik pentsatu liteke zertarainoko kolpe txarrak hartuko dituen, ematen dakien harek".(El Diario Vasco, 1995-08-05)

"Ez zait sekula gustatu besteen bertsoak ikastea, kopia daitezke eta".(Argia, 1992-01-19)

"Soltero edo bakarti egongo balitz ez ote luke hobeki bertsolari batek? Nik hala pentsatzen dut, askatasunaren alde naizelako, eta inori sufrituaraztea gauza txarra delako ere bai, noski".(El Diario Vasco, 1997-05-23)

"Kotxerik ez genuen guk baina neroni iritsita nago hiru herritan kantatzera egun batez".(Euskaldunon Egunkaria, 1994-10-16)

"Nik Uztapideri, bertsoaren erdirako antzematen nion noratsu zihoan. Eta halaxe denbora izaten nuen nire bertsoa prestatzen hasteko. Eta hari berdin gertatzen zitzaiola badakit nik'".(El Diario Vasco 1997-05-07)

"Ni umezale porrokatua beti izan naizela esateko ez daukat lotsatu beharrik. Nere bizitzan unerik gozoenak ume tartean igaro baititut".(El Diario Vasco, 1997-03-25)

"Kantuari uzteko erabakia latza izan zen baina, ez kantari jarraitzea bezain latza. Inoiz probatu al duzu zer den kantuan hasterako barruko tristura izugarri baten menpe egotea? Ba, behin probatzea ez da ezer. Nik hamar urte baino gehiago egin ditut horrela". (Eguna, 1987-11-05)