Landare eta animalia ekoizpen garbien aldekoen alde jotzen dute azken haizeek eta ezer txarrik ez bada haize-orratzak norabide horri begira izatera ematen al dira puska baterako.

Guk geronek ondo geronena dugu haixea eta inguruan eta ingurumenean agintzen duenak hamabost axola. Diruari diogun beldurra nagusi, lurrak ia antzutzeraino pozointzen eta gure barrunbeak estoldatzartzat jotzen ditugun artean bada mundu honetan gosea mahaikide duten tokirik. Gosearen aurkako borroka bertena dagoen kutxazaina baina urrutiagora begira antolatutako estrategia jasangarrian zutabetzen dute han, batzuk.

Beauveria bassiana, Metarhizum anisopliae, Verticillium lecantii, Paecilomyces fumorosus, Trichoderma berzianum, Trichoderma viridiae, Trichoderma lignorum, Paecilomyces lillacinus eta Azaridachtina indica dira, zitriko, barazki eta loreak ekoizten dituzten negutegietako hamarretik zortzik darabilzkiten entomopatogeno edo intsektuen aurkari ekologiko batzuk. Hauez gain jatorria Indian duen Nim zuhaitzaren, onddoen eta tabakoaren estraktoak ere merkatuan badabiltza, aliatu fidagarri gisa salduak. Lasai, ez da ez gure merkatuan.

Panorama hemengoaren aldean latza duten lurretan. Non ote da, bada? Non izango da, bada? Non dira gu baino azkarragoak? Amerikan. Kolonbian