Argia astekaria webgunearen hasiera

Oraingo au Vietnamgo kristau batzuek zuzendu diote seigarren Paulori. "Lettre des Vietnamiens chrétiens" deritza. (Kristau Vietnamdarren eskutitza). Bertan, Vietnamgo Aberrian, Amerikarrak darabilten politika eta Eleiz agintari batzuen jokabidea astindu eta dantzatzen da. M. Ngo Cong, katoliko diputaduaren bitartez jaso zuan eskutitza Aita Santuak, aurtengo abuztuan. Eskutitz honetan, etxe ta errietan gerrateak ekarri dituan kalte izugarriak baiño gehiago aipatzen dira Moral eta espiritu aldetik Amerikarrek Vietnamgo aberriari egiñ diote ondamendi beldurgarria. "Biziera, zibilizazio berri bat ekarri digute Amerikarrek: Dolar diruaren zibilizazioa. Guzia dezakezu dolarrarekin; baita zeruko ateak ireki ere. Dezakeguna irabaztea, bearrezkoa zaigu beraz. Ortarako bide guziak on. Amerikarren artean egindako zenbaketa. Estadistikak digunez, lau emakumetatik bat ema-galdu dezu. 'Vietnamgo gerratea', beraz, 'Erriaren erailketa' (genocidio) da". (...)
Eliza isillik. Milla bederatzireun eta irurogeita zortzigarren urtean, My-Lai (Song-My-n) Amerikar soldaduak bost eun erriko jende zibil il zituzten. Orain arte ordea Eliza isillik. Ikasle, alargun eta gerlan zaurituek, giza pertsona baten antzera bizitzeko eskubidea eskatzen dute. Bitartean, Xtoren Eliza isillik dago Vietnamen. Gogorkeriak, gorputz minketa-torturak, egunero gertatzen dira gure artean polizi etxeetan. Eliza bitartean isillik. Joan zan ekaiñean, Amerikar egazkiñek eun itsasontzi ondoratu zituzten, eunen bat arrantzalek bizia galtzen zutelarik. Eliza ordea isillik (...)