Argia astekaria webgunearen hasiera

Bergaran, 1964an.
- Dantzaria, koreografo eta dantzako irakaslea (Urnietako Hegape ikastolan eta Lesakako "Tantirumairu" dantza taldean).

Zazpi urterekin hasi zen Bergaran, Moises Azpiazurekin. Hemezortzi urterekin Donostiako "Eskola" dantza taldean sartu zen eta gaur arte hor aritu da.

Jaione Arana bikotearekin Gipuzkoako Txapelketa irabazi zuen 1978an. Gerora, Amaia Agirre bikotearekin Gipuzkoako Dantza Askatu Txapelketa (93, 94, 95 eta 96an) eta Euskadiko Dantza Askatu Txapelketa irabazi zuen (93, 94 eta 95ean). Gipuzkoako Aurresku Txapelketan (95, 96) eta Euskadiko Aurresku Txapelketan ere (94, 95, 96) txapeldun izan zen.

Besteak beste, Belgikako Eusko Jaurlaritzaren egoitza eta Anoeta futbol zelaia inauguratu zituen; "Eskola" dantza taldearekin ia Europa osoan eta Kuban egona da; Kepa Junkerarekin aurten 70 bat emanaldi eskaini ditu, tartean Finlandia, Portugal eta Eskozian; Argentinan izana da "Gozategiz blai" ikuskizunarekin, eta baita Japonian ere Eli Alberdirekin.

"Aukeran" dantza taldearen sortzaileetakoa (1997) eta geroztik bertan dihardu koreografia, zuzendaritza eta dantzari lanetan. Azken hiru urteotan bost koreografia egin ditu: "Aukeran" (taldeari izena eman ziona, 1997), "Akilimarro" (1998), "Errenkan" (1999), "Zirga ezean" (2000), eta "Argia ilunpean" (2000).