ANTZERKIA
Beņat Doxandabaratz
Sasoian dabil herri antzerkia. Udan egitekoak diren lau lan nabarmendu ditugu: "Moby Dick" Lekeition, "El misterio de Obanos" Nafarroako Obanosen, "Maddalen Jauregiberri" pastorala Eskiulan eta Alproja taldearen "Labaderoko koadrila" Zarautzen.
guztia irakurri
PORTUAK
Daniel Udalaitz
Ondarroako biztanleek Eusko Jaurlaritzaren proiektuarekiko alternatiboa den udal proposamena onetsi dute erreferendum bidez. Barruko portua berrantolatzeko eta kanpoaldeko portua eraikitzeko proiektuak 20.000 milioi pezetako aurrekontua beharko luke.
guztia irakurri
Historia
Nagore Irazustabarrena
"Pasaiako euskararen historia soziala" izeneko azterketa argitaratu berri du bertako udalak. Gipuzkoako portu garrantzitsu honetan erromatarren garaitik XX. mendera bitarte euskarak izan dituen gorabeherak azaldu dituzte bertan.
guztia irakurri
RADIO EUSKADI
Beņat Doxandabaratz
Turistei nahiz bertan geratu direnei zuzendutako saioa dugu "Tiempo libre". Kultura eta gastronomian dugun eskaintza bilduz, astegunetan 19:00etatik 20:00etara dago entzungai.
guztia irakurri
Iosu Etxaniz
Izarraitzen magalean dagoen herri dotore hau, Azpeitiarekin edozertarako duten lehiagatik eta pilotari-harrobi amaitezina izateagatik aparte, bere Jauntxoengatik edo jauretxeengatik ere ezaguna da. Dena den, XI. mende hasierako dokumentazioan jadanik beste izen batekin ageri zen, hots, San Martin de Iraurgi izenarekin.
Hiri gisa 1324an fundatu zen, eta beste hirurekin batera "Hiri Nagusia" izaera lortu zuen. Bere garrantziaren adibide dira Korrejidorea bertan bizitzea edo Diputazioaren egoitza izatea hiru urtetik behin. 1457an dagoeneko hiriari gaur egun ezagutzen dugun izena jarri zioten.
Azkoitiko Zalduntxoak
1763-66 urteek Azkoitiko historian eta baita Araba, Bizkaia, eta Gipuzkoakoan eragin nabaria izan zuten. Urte horietan, Frantzisko Muniabe Idiakez (1723-1785) Peņafloridako Kondeak, beste kultur maila handiko noble batzuekin batera, kultur talde bat sortu zuen.
Frantziako entziklopedisten eraginez, Euskal Herrian ikerketa zientifikoak bultzatu eta euskal kultura suspertzeko asmoa zuten. Horretan oinarrituz, pixka bat geroago Euskal Herriaren Adiskideen Elkartea sortu zuten. Peņafloridako Kondea bera, noblea izateaz gain, zientzialari, idazle eta politikaria zen, eta Madrilgo Gorteetako Diputatu izan zen.
Nahiz eta Carlos III erregeak elkartea sortzeko baimena eman, honek foruak murriztu nahi izan zituenean bere kontra egin zuen. 1766an aduanak aldatu zituztenean Azkoitia (Azpeitia ere bai) matxinada garrantzitsuaren lekuko izan zen, nekazariak erabat asaldatuz.
Ikustekoak
Azkoitiko Udaletxea, herriko plazan kokatua, armarri deigarri batez nabarmentzen da. Andra Mari Jasokundeko Parrokia, San Martin Iraurgiko baselizatik datorrena, XVI.-XVII.ekoa da, gotiko estilokoa, eta bere barruan erretaula bikaina eta "Cavaille-Coll" organo aparta gordetzen ditu besteak beste.
Dorretxeen artean Baldakoa (XII.-XIII. mendekoa, Azkoitia bera baino zaharragoa) aipatuko dugu lehenbizi, hortxe bizi izan zelako San Inazioren amaren sendia.
Zubieta, Idiakezekoa edo "Etxe Beltza" (Erdi Aroko dorre bitxia; 2. Gerra Karlistan erre ostean kolore ikusgarri horrez margotu zuten), Insaustikoa (barrokoa, Peņafloridako Kondearen elkartearen egoitza), eta Floreaga Etxea ere ikustekoak dira.
TELEZAINTZA MODAN
Beņat Doxandabaratz
"Gran Hermano"rekin Europan gertatu den bezala, Estatu Batuetan CBS kateak "Survivor" lehiaketaren bidez bere audientziarik onena lortu du. Irla bakarti batean hamasei lagunek (etsaiek) bizirik iraun behar dute, elkarrekin lehian, milioi bat dolarreko saria eskuratzeko.
guztia irakurri
PLATOS SUCIOS
Beņat Doxandabaratz
Arrakasta itzela izan du telesail honek Katalunian. Umore garratza eta zitala erabiliz, pisukideak diren David aberaskumea eta Lopez esatariaren gorabeherak ditu kontagai. Udazkenean ETB-2 ematekoa den egoera-komedia hau publikoa bertan dela grabatzen ari dira.
guztia irakurri
Lege Oharra
RSS sindikazioa 