Argia astekaria webgunearen hasiera

Uztailaren 3, 4 eta 5ean Irakaskuntzako Lan Arriskuen Prebentzioari buruzko II Udako Ikastaroa egingo da. STEE-EILASek eta Ergonomiaren Euskal Institutuak antolatu du, lan esparruko, unibertsitateko, gizarteko eta finantzetako hainbat erakunderen laguntzarekin. EHUko Ekonomia eta Enpresa Zientzien Fakultatean, Bilboko Sarrikon, egingo den ikastaro honetan hainbat adituk esku hartuko du eta tailerrak antolatuko dira.
Bertan landuko diren gaien artean, honakoak nabarmendu ditzakegu: jarduera sindikala irakaskuntzako lan osasun arloan, Quebeceko esperientzia bat azalduz; emakumearen lana ulertu, eraldatzeko; duintasuna eta osasun mentala lanean: eraso psikologikoa lanean; irizpide ergonomikoak irakaskuntza zentroen diseinuan. Aurreikusten diren tailerretan, honako gaiak jorratuko dira: ikasgelarako altzari ergonomikoak; Lanbide Heziketako lantegi eta laborategietan dauden arriskuak; gihar eta hezurretako arriskuen kudeaketa integratua haur hezkuntzan eta hezkuntza berezian; ordenagailu bidezko lana: arriskuak, prebentzio neurriak, ergonomia; estresa; erantzukizun zibil eta penala