Argia astekaria webgunearen hasiera

Eroski Mondragon Korporazio Kooperatiboa (MCC) euskal talde indartsuko partaide da. Talde horren barruan daude Finantza Taldea (Euskadiko Kutxa, Lagun Aro Aseguruak, EPSV), Industria Taldea, sozietate ugariz osatua, eta Banaketa Taldea, Eroski barne hartuz.
1999ko ekitaldian nabarmen hedatu da MCCren negozioaren zenbatekoa. Haren salmentak %15,9 igo dira eta bilioi bat pezetako kopuru esanguratsua gainditzea lortu dute (1.044.000 milioi pezeta, 41.760 milioi libera, Industria eta Banaketa taldeei soilik dagozkienak). Halaber, Euskadiko Kutxak ere -nahiz eta berez salmentak ez izan, negozioaren bolumenarekin zerikusi zuzena duela kontuan izanik- gainditu egin zuen bilioi bat pezetako kopurua bere bezeroen baliabideetan urtean zehar; eta %11,7ko igoera izan zuen 1998arekiko. Taldearen etekina, zergen aurretik, 76.479 milioi pezetakoa izan zen (aurreko urtekoa baino %11 handiagoa).
MCCko plantila, 1999. urte amaieran 47.141 langilekoa zen. Urte horretan zehar 5.012 lanpostu berri sortu zituen, hasierako plantila %11,9 gehituz. Aipatzekoa da, plantila guztiaren artetik, 1999. urte amaieran, kooperatibek partaidetza duten atzerriko sozietateetan, 2.815 langile zeudela eta urte horretan bertan, 1999ean, 408 langileko igoera izan zutela (%17koa, hain zuzen ere).
MCCk 1999an egindako inbertsioak 87.515 milioi pezetakoak izan ziren. Aurreko urtean kopuru hori 70.763 milioi pezetakoa izan zenez, igoera %23,7koa izan da. Inbertitzeko joera handiago horren oinarrian arrazoi bat baino gehiago aurki genezake, hala nola, eskaeraren maila ona, korporazio barruko enpresa proiektu ugariak eta horiek finantzatzeko erraztasuna ("cash flow" ugariari eta interes tasa baxuari esker). MCC Taldeak 120.000 milioi pezetako inbertsioak aurreikusten ditu, eta horrek, %38ko igoera adierazten du