Argia astekaria webgunearen hasiera

Idazlea izateaz gain futbolzalea eta gai berriak bilatzen dituen horietakoa naiz; horrela, Portugaleteko eta inguruko zein Euskal Herriko zortzikoteei buruzko zenbait liburu prestatzen ari nintzela, euskal selekzioaz ere ez zegoela gauza handirik idatzita bururatu zitzaidan, eta horri ere ekin nion. Egia esan, lehendik ere gaiari buruzko hainbat artikulu idatziak nituen, beraz, hutsetik ere ez nintzen hasi.

Nagusienetakoa hemeroteka izan zen. Bestalde, Arteako Abertzaletasunaren Agiritegian, argazki zaharrez gain, eskuz idatzitako agiriak ere aurkitu nituen, gerra zibilean zehar selekzioaren biraren xehetasun asko eskaintzen dituztenak. Georgiar liburu bat ere oso iturri garrantzitsua izan da. Euskal jokalarietaz eta hauen biraz hitz egiten du. Orain dela bizpahiru urte Athleticek Tiblisin jokatu behar izan zuen Txapeldunen Ligan sartzeko eta hemen bizi den georgiar baten bitartez itzulerako partidarako liburuok eskuratzea lortu nuen. Zenbait elkarrizketa ere egin nuen, Iribar, Amorrortu eta Gerra Zibileko taldetik geratzen zaizkigun Pedro Areso eta "Emilin"ekin ere bai.

Etorriko da, baina oraindik bizpahiru urte itxaron beharko dira. Hori bai, edizio berrikusi eta behin-betikoa izango da, oraingoak -hainbat iturrietaz fidatzeagatik- duen akatsen bat zuzendu asmoz naizelako. Esaterako, jende askok uste du Gerra Zibileko euskal selekzioak Mexikoko Liga irabazi zuela eta ni ere hala informatu ninduten, baina hori ez da horrela. Selekzioa desagertu ondoren, euskal jokalariak, kataluniar eta Espainiako beste jokalari batzuekin batera klub batean sartu ziren, "España de Mejico"n, eta bigarren geratu ziren, baina ez Euskadi bezala jokatuz. Beraz, hurrengo edizioa zehatz-mehatza izatea espero dut