Argia astekaria webgunearen hasiera

Dunetako landareak hondartzetako bizi baldintza gogorretan irauteko gai dira. Espezieek moldaera harrigarri eta interesgarriak garatu dituzte ingurune zail hauetan bizirauteko.
Hauek dira, besteak beste, dunetan landareek aurkitzen dituzten bizi baldintzak:
- Hondarra ezegonkorra da eta erraz mugitzen da haizearen eraginez.
- Haize handiko lekuak dira.
- Hondarraren artean ura beherantz oso azkar joaten denez, ingurune oso lehorrak dira.
- Itsasoaren eraginez, atmosfera oso gazia da.
- Intsolazio handiko lekuak dira.
Arazo hauei aurre egiteko dunetako landareak hainbat moldaeraren jabe egin dira. Ondokoak dira aipagarrienak:
- Tinko mantendu eta ura lortzeko sustrai luzeak.
- Atmosferako gazitasunari aurre egiteko eta ur gazia erabili ahal izateko Cakile maritima edo Honckenya peploides espezieek ehunak lodituak azaltzen dituzte.
- Eguzki-izpiak islatu, uraren galera murriztu eta euri-tantak atxikitzeko Medicago marina bezalako landareek ile ugari dute hostoetan.
- Hondarraren mugimenduak eragiten dituen etengabeko lurperaketak eta azaleratzeak saihesteko batzuk zurtoin zinbelak dituzte; beste batzuk erreserbak gordetzeko organoak garatu dituzte eta azken batzuk enborrak arrastaka dituzte, hedadura handia hartuz, beti zatiren bat lurperatu gabe gelditzea lortzen dutelarik