Argia astekaria webgunearen hasiera

Euskal Herrian ugari dira kalitatezko produktuak, eta hauek ez dira atzerritik iristen zaizkigun beste produktuak baino gutxiago. Kanpotik etorritako produktuetatik bereizteko, kalitatezko labelak ditugu. Produktu hauek "Kalitatearen" K batez aurkezten dira. Bestalde, elikagaien kalitatea eta osasuna bermatzen dizkiguten Jatorri-izendapenak ditugu. Hortxe daude esnearen, arrainaren, okelaren, barazkien, fruten eta beste produktu batzuen kasuak.
Txakolinaren kasuan, sagardoaren eta ardoarenean bezala, Jatorri-izendapenaren bereizgarria dago. Horretarako sektore bakoitzak bere batzorde arau-emailea du. Batzorde hau arduratzen da produktuaren kalitatea zaintzeaz, mahastietako laborantzan eta ardandegietan hobekuntzak egiten jarraitzeaz eta intrusismoa eta pirateria galarazteaz. Jatorri-izendapen honen berme gisa, batzorde arau-emaileak kontrolatutako botila guztiek berme-zigilu bat edukiko dute beren lepoetan. Etiketa bakoitzean, enpresaren markaz gainera, jatorri-izendapenaren anagrama aurkezten da.
Batzorde arau-emaile hauetan mahastizainak, ardandegi-jabeak, Eusko Jaurlaritzako Nekazaritza eta Arrantza saileko eta foru aldundietako ordezkaritza bat biltzen da