Lehenik eta behin, Agatha Christieren "Hamar beltzak" liburuaren trama hartu dut oinarritzat. Bertan, leienda baten arabera, hamar pertsona hiltzen ziren. Ideia interesantea iruditu zitzaidan, nik azaldu nahi nuena adierazteko: Iparraldeko euskalduntasunaren egoera tristea salatzeko. Horretarako, euskalduntasunaren azken hamar ordezkariak desagertarazi ditut: pilota mundukoa, bertsoen mundukoa... Sinbolo moduan hartu dut ildo hori eta era berean, komedia poliziakoa bihurtu nahi izan dut antzerki lana.

Bai. Euskaltzale amorratu, enamoratu eta langile ainitz dago. Baina errealitatean, guk egiten dugun saiakeraren aurrean deus egiten ez dutenen indarra nagusi da. Euskal kontzientziarik ez dutenen indarra da nagusi.

Izen bakoitzak du lotura euskal kulturaren protagonista izandakoekin. Aita Aritzabelar euskaltzainaren izena esaterako, euskalgintzaren munduan aritutako makina bat aitetatik sortu dut. Eta horri gehitu diot ondoren Aritxelharren jatorria. Xalbattin bertsolariaren izena Xalbador eta Mattinena batuta bururatu zait. Eta hitz jokoak ere egin ditut Maixan Lumaederren izena bezalakoak.

Seguru aski, uda igaro ondoren, Xirrixti-Mirrixti antzerki taldean hasiko gara hau antolatzen, eta heldu den urterako estreinatu nahiko genuke