"Txikito de Donibane" goitizenez ezaguna da Iruñean. Jakan jaioa, hiru urterekin aitaren sorterrira etorri zen Juan Kruz. Egun, Pello Argiñarena lagun duela arratsero 18etatik 20ak arte magazina egiteaz gain, "Euskaldunon Egunkaria"n "Kate motzean" elkarrizketa ere egin ohi du igandetan. "Irratiak prentsa idatziak ez duen bat-batekotasun hori du; egunkarian aldiz, gauzak xehekiago aztertzen ahal dituzu". Esker onekoa agertzen da "Metropoli foral"ean diharduten kolaboratzaileekin, "musu truk solastatzen dira-eta; ez dakit ba, nik hori egingo nukeen". Mikro aurrean ez du ia keinurik egiten "batere ez Argiñarenak jartzen dituen aurpegi arraroen ondoan". Eta ez du anekdotarik kontatzeko, "dena hain ongi lotzen dugu, ez zaigula inoiz deus xelebrerik gertatzen"