Argia astekaria webgunearen hasiera

Bilbon sortua, Eusko Alderdi Jeltzaleko parlamentaria da Eusko Legebiltza-rrean. Honetan, Informazioaren Gizartea batzordeko burua da. Azken boladan teknologia berriak gizarteratzeko lanean jardun dute Legebiltzarrean. Igorreko Industrialdeko burua izan zen, eta beste hainbat kargu eduki ditu administrazio autonomoan, SPRIn adibidez. Ikasketaz abokatua, Deustuako unibertsitatean Zuzenbideko doktoretza ikasketak ere egiten ari da egun.

Gipuzkoako Errenterian sortua, ingeniaria da ikasketaz. Kulturgintza eta komunikazioaren munduan jardun izan du lanean, idazten bezala kudeaketan. Elhuyar elkartean aritua da. Jalgi zerbitzaria martxan jartzearen arduraduna izan zen, eta Eusenor elkartearen eta Klaudio Harluxet Fundazioaren kudeatzaile ere bai. Gaur egun Ametzagaiña taldeko Adur informatika enpresan ari da lanean, informazioaren gestiorako Kapsula produktuaren arduradun komertzial lanetan.

Eibarren sortua, Leioako Campusean Kazetaritza ikasitakoa da. "Egin" ARGIA, "Euskaldunon Egunkaria" eta "Arrasate Press"en aritu da lanean. Kazetaritzako hainbat lan eta zenbait liburuz gain, "Detxepare porno" argitaratu du, Internetek euskaraz egindako lehen urratsei buruz. Eibar.org gunearen eta DMOZ zerbitzariaren baitan funtzionatzen duen Aurki bilatzailearen sortzailea da. Doktoretza ikastaroak ere egiten ari da Leioan, Interneteko mundua aztertuz.

Arabako Legution jaioa, ikasketaz informatikaria, Kaixo euskal bilatzaile ezagunaren sortzaile eta jabea da. Euskal Herriko internauten artean bere lana ezagutaraztea lortu zuen lehenetakoa izan zen. Ez zen horretan geratu, ostera, eta Interneteko publizitatea promozionatzeko Euskalbanner zerbitzua sortu zuen, eta Internet gizartean zabaltzeko asmoa duen Elkarnet taldea ere antolatu du. Orain gainera Guay.com atari ezagunean ari da lanean.