Deustuko Unibertsitateak urtero legez kaleratu du 1999/2000ko gida. Izenburuak dioen bezala, horixe da, gida bat. 200 orrialdetan zehar, argazkiz hornitutako liburu mardulak unibertsitate honi buruzko informzaio asko eskaintzen du. Batez ere ikasleei eta etorkizunean ikasle izango direnei begira egina da, noski. Bilboko eta Donostiako fakultateak aipatzen dira eta bakoitzak zein ikasketa eskaintzen dituen, zein ikasgai eta zenbat kreditu dituen esaten du. Eskolei eta institutuei buruzko informazioa ere ez da falta. Ikasketen inguruan sortzen diren zerbitzuen zerrenda ere oparoa da: kirolen alorra dela, kultur ekitaldiak, liburutegi nagusia, bekak eta laguntzak, nazioarteko harremanak... Deustuko Unibertsitatea ezagutzeko parada da liburua

Udaberriaren zain gauden honetan Patxi Ezkiaga legorretarrak udazkena gogorarazi digu. Urtaroak ordenaz aldatzearen "errua" 1999ko Irun Hiria Literatur Sariak dira. Hamar poema biltzen dituen lana aurkeztu zuen Ezkiagak aipatu sariketara eta irabazle suertatu zen, olerki sailan. Santiago Aizarna, Henrike Kn÷r, Lourdes Otaegi, Xabier Lete eta Patri Urkizuk erabaki zuten legorretarraren olerki bilduma saritzea.Isiltasunaren memoria dela dio liburuko sarrerak. Gai askoren isiltasuna ordea. Hitzetik hortzera aipagai ditu maitasuna, mina, Jainkoa, edertasuna... Mamiaren adibide segidako zatia: Nola absentziak maitasuna, /hala haizeak sua:/itzali egiten dute txikia/, gartu egiten dute handia./ Minaren ekuazioaren/ matematika

Juan Garmendia etnografoak ehun landaretik gora aipatzen ditu gaitzak sendatzeko erabiltzeko. Ez dira erremedio zientifikoak. Etnografoa izaki, Euskal Herriko hainbat herritan, hainbat baserritan batekin eta bestearekin hitz egin ondoren jasotako informazioa biltzen du. Liburuan aipatzen diren erremedioak kontu handiz jaso behar dira; batzuk belaunaldiz belaunaldi erabili dira eta beren eraginkortasuna nabaria da. Beste batzuetan, ordea erremedioaren informatzailea bakarra da eta ez da ezerekin alderatu erremedio hori. Hi-tzaurrean esaten denez, behi gorotza erreduretako edo idiaren pixa haginetako minaren aurka erabil-tzea ez da oso gomendagarria. Arta bizarren infusioak ziur pixa eragiten duela ordea, beraren efektu diuretikoa begibistakoa baita

Udako Euskal Unibertsitateak 1997ko Udako Ikastaroetako hainbat hitzaldi paperera ekarri du. Neoliberalismoaren gaia jorratu zuten uda hartan, Zientzia Politikoak eta Soziologiaren sailari Zuzenbidea eta Ekonomia gehitu zitzaizkien. Paperean jasotako edukiak honoko egileenak dira: Jesus Casquette, Xabier Barrutia, Koldo Gorostiaga, Mario Zubiaga, Iñaki Barcena, Zesar Martinez, Baleren Bakaikoa eta Aitor Bengoetxea. Hiru sailen arteko hitzaldiak izan zirenez, ikuspuntu anitzetako edukiak jaso dira. Izenburu batzuk aipatzea nahikoa: "Neoliberalismoaren oinarri filosofikoak", "Neoliberalismoaren eragina lan-zuzenbidean", "Gizarte-mugimenduak eta gobernuz kanpoko erakundeak neoliberalismoaren garaian"