Adineko pertsonen %12a soilik sentitzen da oso bakarrik (eta beste %18ak onartzen du erdipurdi); baina pertsona edadetuen artean gehiengo handi batek (%86ak) garrantzitsuagotzat jotzen du osasuna, topikoak bere kidetzat jotzen dituen dirua eta maitasuna baino, eta baita bakardadearen beldurra baino (%6ak).Izan ere, 65 urtetik gorako zazpi espainoletatik bat soilik bizi da bakarrik, eta horietatik askok (%36ak) nahiago dutela diote, edota baldintzak horretara behartuz gero, ongi egokitu direla bakardade egoerara. Balantzaren alderdi negatiboan, daturik esanguratsuena bakartien %29ak ez dagoela pozik esaten duela litzateke. Datu hauek eta beste hainbat bil-tzen ditu "Bakardadea adineko pertsonetan" izeneko ikerketak, CIS-ek 2.460 inkestetatik abiatuz landua. Ikerketaren arabera, adineko pertsonak nahiko gogobeteta sentitzen dira beren harreman sozialekin (%90) eta konpainia egokia dutela esaten dute (%70). Edadeko pertsona hauek nahiko ondo moldatzen direla diote eguneroko etxeko lanetan. Garbiketa egin, garraio publikoa erabili, bidaiatu edo paperak betetzea bezalako jardueretan bakarrik %10-15 bitarteko portzentaiak laguntza ezinbestekoa izango luke, edo laguntza horrekin ere ezingo lituzke egin. Dena den, ez da ahaztu behar inkesta horren laginean %31 ez zela 79 urtetik gorakoa, eta beste %17 ,75-79 urte bitartean zegoela