«Umeak lotsatu egiten dira mikroan»
Kalaka atsegina du Maria iruindarrak. Kazetaritza ikasten hasi aitzin, jada Euskalerrian parte hartzen zuen. Orain, larunbat goizeko programazioa bere gain hartu du, «Xingulu mangulu» umeentzako saioa eta eguerdiko «Asteroidea» astearen kronikarekin.
«Lankideek ongi prestatua uzten didate dena. Umeekin ere gustura aritzen naiz; bitxia da nola lotsatzen diren mikro aurrean, nahiz eta itzaltzean ezin isildu dabiltzan. Umeen bat-batekotasun hori ezin da islatu». Naturaltasuna berez ukan behar delakoan dago,
«baina ez du zerikusirik isila edo berritsua izatearekin, naturaltasuna, finean, zure burua gehiegi ez behartzea da». Halaber, astean zehar Herri Irratian Karmele Aranbururen albistegian dihardu.
«Arras ezberdina den arren, larunbatekoa aberasgarriagoa da»
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa