Gipuzkoan bada orain Oineko Larruazalean zeharkako Kirurgia (OLK) egiten duen unitate bat, Euskal Herriko lehena eta Espainiako hirugarrena, Murtzia eta Kataluniakoen atzetik. Teknika kirurgiko berriak modu anbulatorioan zuzendu ditzake oinetako hainbat patologia (esaterako, joanikoteak, mailu-behatzak, metatartsalgia edo talalgiak), orain arte luze eta mingarria izaten zen operazio-ostea ekidinez. Zerbitzua Gipuzkoako Poliklinikan ireki da eta han ari dira lanean Achalandabaso, Arriola, Cárdenas, Escobar eta Martinez Renobales traumatologoak.

OLK teknikak posible egiten du deformazio bat baino gehiago aldi berean zuzentzea. Eta aukera ematen du, bost milimetroko ebakietatik, muskulaturaren eta hezur-egituraren txokorik barruko eta helezinenetara iristeko. Horretarako, sentsibilitate handiko ekipo optiko bat baliatzen da, oinaren eskeletoaren erresoluzio altuko zuzeneko irudia ematen duena.

Sortu zenetik berrehundik gora interbentzio egin dira, eta OLKren emaitzak guztiz gogobetekoak dira. Lesioa minutu gutxitan zuzentzen da, pazientearentzat minik gabe. Interbentzioa egin eta ordu batzuetara pazienteak alta medikoa jasoko du eta etxera joan ahal izango da, bere kabuz ibiltzen, eta bizitza normalera itzultzen has daiteke. Erabat errekuperatzeko epea, operazioaren arabera, 4-6 astekoa da