Victoria Eugenia Antzokia
1912an jaio zen eta egun kultur
ondare gisa dago babestuta.
Beraz, ezin da apenas aldaketarik
egin bere eraikinean eta gainera
Gipuzkoako Diputazioak onartu
behar ditu aldaketa horiek. Orain
hiru urte jarri zuen martxan
Donostiako Udalak Antzokia
eraberritzeko egitasmoa. Baina
berritze bidea mantso doa.
Oraingoan, Gipuzkoako Diputazioak
atzera bota du Udalaren proiektua,
honek eraikinaren kultur ondareari
eraso egiten baitio. Proiektuak
eskailera nagusia kendu eta jende guztiarentzako sarrera bakarra
eta zabala egitea proposatzen du.
Diputazioaren ezetzak zehaztu
gabeko atzerapena ekarri du.
Bortzirietako Txapelketako finala 28an da.
Donostian ikasiko dute 55 urtetik gorakoek.
ERAIKITZEN HASI DIRA IRUÑEAN
IRUÑEKO Kongresu Jauregia eta Kultur Auditoriuma eraikitzeko lanei hilaren 10ean eman zitzaien hasiera. Auditoriuma, Gotorlekuaren aurrean eraikiko dute, Udal Aurrezki Kutxaren, Gobernu Militarraren eta Nafarroako Entzutegiaren egoitza zaharraren artean zegoen aparkalekuan. Lehenengo fasean, indusketa arkeologikoak egingo dituzte orubean bi hilabetetan zehar. Bitarte horretan, obren bigarren fasea adjudikatzeko lehiaketa publikoa antolatuko da. Proiektua Patxi Mangado, Alfonso Alzugarai eta Juan Miguel Otxotorena arkiteko nafarrek prestatu dute. Guztira 11.000 milioi pezeta ( 440 milioi libera inguru) inbertituko dira bertan. Honen arabera, Kongresu Jauregiak eta Kultur Auditoriumak L itxura izango du.
BERTSO TXAPELKETA BORTZIRIAN
BOST taldek hartzen dute parte hilaren 8an Beran hasi zen Bortzirietako bigarren Bertso Txapelketan. Hamabost bertsolari ari dira guztira, talde bakoitzeko hiru, beraz. Beste batzuren artean, Estitxu Arozena, Xabier Silveira eta Manolo Arozenak hartzen dute parte bertan. Eta Bortzirietako beste hiru bertsolari lehenengo aldiz ari dira: Jose Juan Zubieta «Etxabe», Oskar Goñi eta Saioa Mitxelena. Txapelketa zonaldeko bertsolariei jendaurrean eta txapelketetan kantatzeko aukera emateko helburuarekin sortu zen iaz.
DEBA GARAIKO MEDIO BERRIAK
AED, Jardun, Pagedar, Laixan, Axtroki, Loramendi eta Idolaz Debagoieneko talde euskaltzaleek Goiena izeneko kooperatiba sortu dute. Kooperatiba honek, Euskaltelek laster ipiniko duen zuntz optikoa erabiliz, eskualde mailako euskara hutsezko telebista bat sortu nahi du. Horrez gain, astekari bat eta zerbitzu telematikoetarako sare bat sortzeko asmoa du.
UNIBERTSITATE NAZIONALA
DAGOENEKO Euskal Herriko 300 bat lagunek sinatu dute «Euskal Unibertsitate Nazionalari Buruzko Proposamena» agiria. Idazleak, Bertsolariak, itzultzaileak, filologoak, kazetariak, irakasleak, kultur taldeak eta politikariak daude sinatzaileen artean. Agiria kaleratu ondoren, honen bultzatzaileak alderdi politiko eta sindikatuekin jarriko dira harremanetan.
MUSIKA IRAKASLEEN BULETINA
IAZ egin zen musika irakasle euskaldunen lehen topaketa Donostian. Han zehaztutako helburuetako bat bete da dagoeneko: «Musikagintza» buletinaren lehen zenbakia kaleratu berri dute. Itziar Irigoienen zuzendaritzapean, bihilabetekariak musika irakasle euskaldunentzako formazio eta informazio tresna izateko xedea du.
55 URTETIK GORA UNIBERTSITATERA
EHUk eta Kutxak Giza Zientzietako karrera berri bat sortu dute adineko pertsonentzat. Hiru urteko ikasketa hauek Donostiako Campusean egin ahal izango dira. Urtarrilaren 31n hasiko da ikasturtea eta aurrematrikula garaia urtarrilaren 19an amaitzen da. Guztira 135 kreditu dituzte ikasketa hauek, 1.350 ordu, alegia. Honen ondorioz, Giza Zientzietako titulu ofiziala eskuratu ahal izango dute 55 urtetik gorako etxekoandre, langabetu eta erretiratuek.
Josu Jon Imazek zera esan zuen «Zabalik»en: « (...) Nobelak edo filmak itzul daitezke, are gehiago, kanpoko literatura itzuli beharra dago euskara arnasberrituko bada eta euskal irakurlegoak non hautatu izan dezan. Baina ez da inoren buruan sartzen Internet euskaratzeari ekin behar diogunik. Guk geuk sortu behar ditugu geure edukiak (...)».
Pello Irazu honela mintzo zen «Euskaldunon Egunkaria»n Guggenheimi buruz: « (...) Guggenheim ikuskizuna da, eta horregatik joaten da horrenbeste jende. Baina galerietara inor ez da biltzen. Ez da bideratu artea orokorrean interesgune bilakatzeko modurik».
Miren Azkarate euskaltzainak honela zioen «Euskaldunon Egunkaria»n: « Hizkuntza kontuak garrantzitsuak izanik ere, unibertsitate izaera dela gauza guztien gainetik gorde beharrekoa (...) ».
J. Iñaki Etxezarretaren hitzak dira hauek «Euskaldunon Egunkaria»n esanak: « (...) Euskarak hezkuntza euskalduna behar du, ikastetxe euskaldunak behar ditu eta honek euskaldun gizartearen bilakaera esplikatzen lagundu behar du gaur, bihar eta etzi».
Egunotako hotzak direla kausa, pasa den asteazkenean Bilboko Zubi Zurin irrist egiteko zegoen arriskuaz ohartarazten zuen seinalea paratu zuen udalak. «Atención. Suelo deslizante. Lurrak irrizten du. Kontuz» zioen. Kasu honetan itzulpen literala egitea besterik ez zuten —zoru labainkorra—, baina esaldia egiten saiatu eta bertan tronpatu. Beste hainbatetan bezala.
EUSKAL MEDIOEN
HIPERTROFIA
Xabier Mendiguren Elizegik honela zioen «Zabalik» aldizkariaren inguruan «Gara»n:
«(...) Irakurle gehienok badakizue, (...) agerkari euskaldun berri bat daukagula, «Zabalik» izenekoa eta Correo taldeak egina. Talde horrek euskal nazioari eta hizkuntzari amodio berezirik erakutsi ez diela eta, errezeloz sumatu dut hainbat lagun, (...). Nire ustez, ordea, pozik egoteko arrazoi gehiago daukagu: geure txikian euskaltzaleok indar pixka bat badugula erakusten du, bizkar emanda egon direnak ere geure plazara erakartzeko lain; bestalde, euskararen normalizaziorako ere aberasgarri da kolore guztietako iritziak azaltzea (...). Euskarazko prentsa arretaz aztertzen jarriz gero, edonor ohar liteke politika eta kulturazko gaien hipertrofia antzeko bat dugula (...). Zintzo izatera aitortu beharra daukagu, hala ere, euskal prentsak interes gutxi sortzen diela euskaldun gehienei (...). Alde horretatik apustu polita izan liteke, dudarik gabe, bestelako edukiak azpimarratzea, eta esan liteke zulo hori estaltzeko asmoa duela «Zabalik»ek; izan ere, gizarteko erreportajeak, kirolak eta aisialdia dira, (...), bertan gehien zaintzen diren arloak, euskara txukunean gainera. Hala ere, zalantza bat daukat: arlo horiexek askoz zabalago eta oparoago lantzen dituzte inguruko erdal ,medio guztiek, bai abertzaleek, bai espainolistek (...)».
Karmen Balentziaga aktore zumaiarra urtarrilaren 8an zendu zen 77 urte zituela. 65 urte bete ondoren hasi zen antzerki munduan. Bere ibilbidea Zumaiako Zahar Etxeko «Itzurungo uhinak» antzerki taldean hasi zuen. Baina azken urteetan egin zen ezaguna, «64», «Jaun ta Jabe» eta «Benta-Berri» bezalako telesailetan parte hartzeagatik.
Joseba Lakarra izango da aurrerantzean Euskal Herriko Unibertsitateko Filologia Fakultateko dekanoa. Dekano berria fakultate horretan doktoratu zen, Koldo Mitxelenak eta Joakin Gorrotxategik zuzendutako tesiarekin.
Juan Carlos Irizarrek «Doinuak denboran» izeneko liburuan hainbat euskal kantu ezagunen eta berak sortutako doinuen partiturak jaso ditu.
TELEBISTA ZALE PORROKATUAK GU ERE
Iaz, espainiar Estatuan herritar bakoitzak 213 minutu igaro zituen batez beste kutxa ergelari so egunero. Aurreko urtetan baino hiru minutu gehiago. Hego- aldeko euskaldunok ez atzera ez aurrera gabiltza 207 minutuetan. Katalunian berriz, 208 minututik 216ra pasa dira. Gutxien ikusten den tokia Galizia dugu, 198 minututik 196ra pasa baitira
PLATOEN HANDITZEA BIDEAN2.007an burutu beharko du digitalizazioa ETBk. Aurreikusi egitasmoen artean Miramongo Programen Produkziorako Zentroa handitzea dago, fikziozko saioak ekoizteko azpiegitura arina duen 1.000 metro karratuko plato berria eraikiz. Erraz igarri daiteke beraz, telesail berrien aldeko apustua egingo dutela
K2000K ZINE SAILA ABIARAZI DUIndustriarik ez badugu ere, zinema profesionalik onenak omen dauzkagu Euskal Herrian. Beraz, onena opa diogu Galdakaoko ekoiztetxeari, zinema munduan zirrikitu bat atzemateko egin duen ahaleginean. Olentzaro ardatz duen marrazki film bat prestatzeari ekin diote, dena ongi badoa datozen gabonetarako prest egon dadin
Lege Oharra
RSS sindikazioa 