Gero eta gehiago erreparatzen zaie audientziei irratian. Horren haritik, 9.000 entzuleko igoera eman berri die EGMk EITBko irratiei. Etxeetan galdeketa baten bidez neurketa urtean hirutan egiten delarik, egokia da Espainia osoko irratien ikuspegia emateko. Euskal Herrian berriz, dezenteko distortsioa du. Izan ere, Arrate Irratia nahiz Euskadi Irratiari emaitza izugarri onak emanez gero, laginak ingurune euskaldun batean hartuak izan diren seinale da.
«Halako fidagarritasunik aitortzen ez diogun arren, aintzat hartu behar da publizitatea lortzeko orduan ongi etortzen baitzaigu»
«Oro har nabaria da irrati kontsumoak behera egin duela, nahiz eta horrek ez duen euskarazko bi irratien jaitsiera zuritzen. Ez da erraza jakiten zeri leporatu hori, baina egia da ere, Euskadi Gaztea sortu zenetik gure audientzia banatzen joan dela, badagoelako beste adin multzo bat, irrati formula ere jarraitzen duena. Euskadi Irratiak igarri du beraz, Euskadi Gaztearen indartze prozesua. Euskarazko irratigintza ugaldu izanak ere eragin du horretan. Bestalde, udazkeneko neurketa joan den udaberri eta udaren adierazgarri izaten denez, udaberrian jakingo ditugu udazkeneko parrilaren emaitzak. Dena den, zenbat eta gauza zehatzagoak bilatu, orduan eta lausotuagoak agertzen dira emaitzak»
© 2008-2011 Argia.com - Komunikazio Biziagoa
Erreportajea 
