Zinez harrigarria Radio Franceko buruak berriki adierazi duena. Jean Marie Cavadaren irudiko, ideia ona litzateke Radio France Pays Basque-n euskarazko emankizunak egitea; azkenaldian belaunaldi gazteak euskara bereganatzen hasiak direla, ez baita jada zaharrei esker bizirik dirauen hizkuntza. Guztiz zentzuduna litzateke beraz, Radio Francek entzuleen kezka horri erantzutea euskarazko irratsaioak abiaraziz. Adierazpenak frantsesezko irrati publikoen jardunaldien kariaz egin dituelarik, haizeak eramanen duen apar hutsa ote bere burua zuritzearren? Edo egiazko asmoa ote?