Argia astekaria webgunearen hasiera

Euskalgintzako hainbat talde biltzen dituen Oinarriak erakundeak 25.000 sinadura lortu nahi ditu Nafarroan euskararen lege berria Parlamentuan eztabaidatzeko. Nafarroa osoan euskararen ofizialtasuna lortzeko xedez, apirila bitartean iraungo duen kanpaina abiatu du. Lege proposamen berrirako urtebete lanean daraman erakundeak Nafarroako populazioaren % 10en atxikimendua lortzea du helburu.

«Bai euskarari» akordioaren Plan Estrategikoa azken faseko bileratan da, gizarte eragileek hartu beharreko konpromiso zehatzak finkatzen. Prozesu honen berri zehatza izateko webgune berria jarri du Kontseiluak: www.baieuskarariakor- dioa.org. Orain arte lanerako erabili diren txosten guztiak bertan aurki daitezke eta ekarpenak egin ahal izateko aukera eskaintzen du.

1999-2000 ikasturteko matrikulazio datuak jakinarazi ditu AEK-k. Horien arabera, aurten 13.774 lagun ari dira euskara ikasten Euskal Herri osoko AEK-ko gau-eskola eta euskaltegietan; 1998-99ko datuekin alderatzen badugu, 97 ikasle gutxiago, % 0,7 aldea, alegia. Lurraldeei erreparatuz, joera desberdina antzematen da: Araban dezente egin du gora, Gipuzkoan eta Bizkaian ere apur bat gora, eta Nafarroan eta Iparraldean behera egin dute ikasleek.

Igande honetan, hilak 12, Anoetako Udalak aho batez onartuko du ezohiko plenoan Udalerri Euskaldunen Mankomunitatean (UEMA) sartzea. Erabakiaren karietara ospakizuna izango da herriko pilotalekuan, bai bezperan kontzertu batekin, bai egunean bertan dantzari, trikitilari eta abarrekin.